Украінскія памежнікі: Сітуацыя на тэрыторыі Беларусі можа змяніцца ў любы момант

• 12.07.2026, 13:26

Кіеў умацоўвае мяжу.

На сёння ўкраінскія памежнікі не фіксуюць прыкмет фармавання ўдарнай групоўкі расійскіх войскаў на тэрыторыі Беларусі. Пагроза наступу з Беларусі цяпер мінімальная.

Пра гэта ў эфіры «Дзень.LIVE» паведаміў спікер Дзяржаўнай памежнай службы Украіны Андрэй Дземчэнка, паведамляе ТСН.

У той жа час спікер ДПСУ падкрэсліў, што Беларусь і далей знаходзіцца пад уплывам Расіі, таму сітуацыя можа змяніцца ў любы момант. Паводле слоў Дземчэнкі, РФ чакае большага ўдзелу Беларусі ў вайне, але Лукашэнка ўсведамляе магчымыя наступствы.

Менавіта таму Украіна бесперапынна ўмацоўвае абарончыя рубяжы ўздоўж усёй лініі мяжы з Беларуссю.

Раней галоўнакамандуючы ЗСУ Аляксандр Сырскі паведамляў, што РФ можа разглядаць тэрыторыю Беларусі як спосаб нарошчвання удараў па Украіне.