У Украіне зменіцца прэм'ер-міністр

• 12.07.2026, 14:55

Зяленскі прапанаваў Юліі Свірідэнка іншую пасаду.

У нядзелю, 12 ліпеня, прэзідэнт Украіны Уладзімір Зяленскі заявіў, што ў Кабінеце міністраў будуць змены, а таксама прапанаваў прэм'ер-міністру Юліі Свірідэнка іншую пасаду, піша New Voice.

Зяленскі адзначыў, што правёў сустрэчу з Юліяй Свірідэнка і абмеркаваў з ёй шэраг пытанняў.

«Вызначылі, што для змен неабходнае абнаўленне Кабінета міністраў. Я ўдзячны Юліі за дакладную, стабільную і эфектыўную працу на пасадзе прэм'ер-міністра, за гады плённай працы ў камандзе Украіны і прапанаваў узначаліць новы значны напрамак у адносінах з ключавым партнёрам. Разлічваю, што разам з парламентарымі зробім адпаведныя замены ва ўрадзе Украіны», — заявіў ён.

Асобна Зяленскі анансаваў змены ў складзе кіраўнікоў праваахоўных органаў.

Паводле інфармацыі нардэпа Яраслава Жалезняка, кандыдата на пасаду прэм'ер-міністра пакуль няма. Пры гэтым, паводле яго слоў, на дадзены момант на гэтую пасаду разглядаюцца: экс-прэм'ер-міністр Украіны, дзейны міністр энергетыкі Дзяніс Шмыгаль; мэр Харкава Ігар Церахоў. Таксама ён заявіў, што сярод кандыдатаў ёсць міністр абароны Украіны Міхаіл Фёдараў і старшыня праўлення НАК «Нафтагаз Украіны» Сяргей Карэцкі.