Украінскія дроны паразілі тры паромы РФ у порце Керчы

• 12.07.2026, 19:51

Судны забяспечвалі ваенную лагістыку РФ

Аператары 413-га палка Сіл беспілотных сістэм «Рэйд» нанеслі ўдары па расійскіх паромах, якія выкарыстоўваліся для забеспячэння ваеннай лагістыкі акупацыйных войскаў у часова акупаваным Крыме. Кадры паражэнняў абнародавалі украінскія абаронцы ў тэлеграм-канале палка.

Украінскія аператары беспілотнікаў паразілі тры паромы, што знаходзіліся ў акваторыі порта і паромнай пераправы ў Керчы.

Пасля 2022 года Керчанская паромная пераправа стала рэзервовым маршрутам забеспячэння акупацыйнай групоўкі пасля неаднаразовых удараў па Крымскім мосце.

У прыватнасці, праз яе на паўвостраў перавозілі транспарт з палівам і іншыя ваенныя грузы.