Янік Сінер выйграў Уімблдан

• 13.07.2026, 7:44

У фінале італьянец перайграў немца Зверава.

Янік Сінер, першая ракетка свету, другі раз запар выйграў Уімблданскі турнір. Матч супраць нямецкага тэнісіста Аляксандра Зверава, які цягнуўся амаль чатыры гадзіны, скончыўся з лікам 6:7, 7:6, 6:3, 6:4, паведамляе BBC.

«Ты зноў даказаў, чаму з’яўляешся лепшым гульцом у свеце. Цудоўна было падзяліць з табой Цэнтральны корт у фінальны ўікэнд. Для мяне вялікі гонар быць тут. Перамога дасталася не мне, але, перадусім, я віншую цябе», — так адрэагаваў на паразу Звераў.

Як адзначыла французская тэнісістка Марыён Бартолі, Сінер заваяваў сваю сотую перамогу на турнірах Вялікага шлема.

«Думаю, мы ўбачылі новага Новака Джокавіча, які будзе дамінаваць у тэнісе ў бліжэйшыя 10—15 гадоў», — сказала яна.