Мужчына купіў правы ў інтэрнэце і праз 10 гадоў прыйшоў мяняць іх у ДАІ

• 13.07.2026, 12:47

Ён набыў іх у Расіі.

У Ваўкавыскім РАУС звярнуўся мясцовы жыхар з просьбай замяніць вадзіцельскае пасведчанне ў сувязі з заканчэннем тэрміну яго дзеяння.

Аднак падчас праверкі супрацоўнікі ўстанавілі: пасведчанне з пазначаным нумарам насамрэч было выдадзена зусім іншаму чалавеку, а сам заяўнік дзейснага дакумента ніколі не меў.

Судовая экспертыза пацвердзіла, што бланк пасведчання не з'яўляецца прадукцыяй прадпрыемства-вытворцы — усе выявы на пярэднім і адваротным баках былі проста надрукаваныя на каляровым прынтары.

Як прызнаўся мужчына, дакументы ён набыў у Расіі праз інтэрнэт-рэсурс. У цяперашні час па гэтым факце праводзіцца праверка. Якія наступствы пацягне за сабой гэты неразважны крок для жыхара Беларусі, пакуль невядома.