У Браславе лодка з турыстамі не змагла вярнуцца да берага з-за ветру

• 13.07.2026, 14:17

Чым скончылася?

На выратавальную станцыю ў Браславе паступіла паведамленне пра здарэнне на вадзе. Высветлілася, што пара турыстаў не змаглі вярнуцца да берага і прасілі дапамогі.

Вядома, што ўсё адбылося ўвечары ў нядзелю. Паводле звестак АСВОД, двое маладых людзей з Кітая адправіліся пакатацца на лодцы. Але вярнуцца назад да берага не ўдавалася — прычынай стаў моцны парывісты вецер.

Турысты ўжо пачалі губляць арыентацыю на адкрытай вадзе, калі да іх наблізіліся выратавальнікі. Пасля пацярпелых паднялі на борт катэра і даставілі на базу адпачынку.