Трамп абвясціў пра зварот да нацыі

• 14.07.2026, 2:00

Яно адбудзецца ў чацвер.

Прэзідэнт ЗША Дональд Трамп на сваёй старонцы ў сацыяльнай сетцы Truth Social абвясціў пра зварот да нацыі на неўдакладненую тэму.

Ён напісаў, што выступіць у чацвер, 16 ліпеня, у 21:00 па ўсходнім часе (04:00 17 ліпеня па мінскім часе).

На пачатку красавіка Трамп ужо звяртаўся да нацыі ў сувязі з ваеннай аперацыяй супраць Ірана. Тады ён заяўляў, што ад Ірана можа «нічога не застацца» ў выніку ўдараў узброеных сіл ЗША і заклікаў Тэгеран заключыць пагадненне, пакуль не стала занадта позна.