Сабаленку сустрэлі ў Мінску з танцамі і караваем

• 14.07.2026, 8:51

Відэафакт.

Першая ракетка свету, беларуская тэнісістка Арына Сабаленка разам са сваім жаніхам Георгіасам Франгулісам і сабакам па мянушцы Эш учора прыляцелі ў Мінск.

На выхадзе з самалёта Сабаленку сустрэлі з караваем і соллю. Народныя песні і танцы сведчылі, што Арыну ў Беларусі вельмі чакалі.

Сёння Арына ў школе, дзе яна вучылася, на завулку Казлова, 11, павінна адкрыць корты. Пачатак а 15:00.

Таксама яна сустрэнецца з балельшчыкамі і журналістамі.