Вецер валіў дрэвы ў Віцебску

• 14.07.2026, 9:50

Горад затапіла.

У Віцебску шквалістым ветрам увечары 13 ліпеня паваліла дрэвы. Паводле інфармацыі «Зелянбуду», цяпер ідзе іх распілоўка і прыбіранне на вуліцы Леніна, у скверы Богдана Хмяльніцкага, у парку Партызанскай Славы.

Потым будуць пачатыя работы па прыбіранні паваленых ялінаў каля чыгуначнага вакзала.

У «Зелянбудзе» працягваюць збіраць звесткі пра тое, на якіх яшчэ ўчастках горада патрэбна дапамога.