Расія атакавала ў Чорным моры замежныя гандлёвыя караблі

• 14.07.2026, 22:16

Капітан аднаго з іх загінуў.

Армія РФ нанесла ўдары па замежных грамадзянскіх гандлёвых судах у акваторыі Чорнага мора і ў порце Адэсы. Пра гэта паведаміў кіраўнік ваеннай адміністрацыі Адэскай вобласці Алег Кіпер.

— Увечары вораг нанёс чарговы ўдар па портавай інфраструктуры Адэшчыны. Падчас атакі варожы БПЛА паразіў грамадзянскае судна пад сцягам Маршалавых астравоў, пашкодзіўшы надбудову судна. На борце ўзнік пажар.

На жаль, у выніку атакі загінулі два чалавекі, — паведаміў Кіпер.

Таксама, паводле яго слоў, 14 чэрвеня ў Чорным моры былі атакаваныя два гандлёвыя судны — пад сцягамі Танзаніі і Ліберыі. Капітан аднаго з караблёў загінуў, трое чальцоў экіпажа атрымалі раненні.

Алег Кіпер адзначыў, што, наносячы ўдары па мірных людзях і па аб’ектах грамадзянскай інфраструктуры, Расія парушае міжнароднае гуманітарнае права.