У Мінску вадзіцель Renault не справіўся з кіраваннем, урэзаўся ў два аўтамабілі і вылецеў з дарогі

• 15.07.2026, 10:14

Відэафакт.

У Мінску учора ўдзень 50-гадовы вадзіцель Renault ехаў па праспекце Дзяржынскага і каля дома №26 урэзаўся ў аўтамабілі Hyundai і Kia, якія рухаліся ў тым жа напрамку. Пасля сутыкнення ён выехаў за межы праезнай часткі.

Паводле папярэдняй інфармацыі ДАІ Мінска, мужчына не справіўся з кіраваннем. Мяркуецца, што яму стала кепска за стырном.

У тэлеграм-канале «Інцыдэнт Мінск» было апублікавана відэа з камер відэаназірання. На запісе таксама зафіксаваны момант ДТЗ. Бачна, як пасля ўдару Renault вылецеў з дарогі.

Вадзіцеля Renault адвезлі ў бальніцу для абследавання.