СМІ: Фёдараў страціць пасаду міністра абароны Украіны

• 15.07.2026, 20:20

На яго месца разглядаецца іншы кандыдат.

Міхаіл Фёдараў страціць пасаду міністра абароны пасля адстаўкі ўрада Юліі Свірідэнка. На яго месца разглядаецца іншы кандыдат.

Як перадае РБК-Украіна, пра гэта заявілі нардэпы.

Міхаіл Фёдараў — адзін з ключавых стваральнікаў лічбавых рэформаў ва Украіне і аўтар «Дыя». Больш за шэсць гадоў ён займаў пасаду віцэ-прэм'ера і міністра лічбавай трансфармацыі. Потым — узначаліў Мінабароны.

Нарадзіўся 21 студзеня 1991 года ў горадзе Васіліўка Запарожскай вобласці. Першы бізнес стварыў падчас навучання ў Запарожскім нацыянальным універсітэце. Пазней спрабаваў развіваць сетку адукацыйных цэнтраў і іншыя праекты, аднак яны не мелі поспеху.

У 2015 годзе, ва ўзросце 24 гадоў, заснаваў уласнае диджытал-агенцтва SMMSTUDIO. У 2019 годзе Фёдараў узначаліў диджытал-накірунак перадвыбарчых кампаній Уладзіміра Зяленскага і партыі «Слуга народа». У ліпені таго ж года быў абраны ў Вярхоўную Раду, трапіўшы ў першую дзясятку партыйнага спісу.

Аднак народным дэпутатам фактычна не працаваў: у першы дзень працы новага парламента яго прызначылі віцэ-прэм'ер-міністрам і кіраўніком Міністэрства лічбавай трансфармацыі Украіны.

У студзені 2026 года Фёдарава прызначылі на пасаду міністра абароны. Праз сем месяцаў у Мінабароны ён паспеў запусціць рэформу Узброеных Сіл Украіны: новыя кантракты, павышэнне заробкаў, запуск рэкрутынгу замежнікаў. Таксама ў працэсе распрацоўкі знаходзіцца рэформа мабілізацыі і ТЦК.

На выхадных прэзідэнт Зяленскі абвясціў аб абнаўленні Кабміна. Дзеючая прэм'ерка Юлія Свірідэнка мусіла б накіравацца паслом у ЗША, а ўзначаліць замест яе ўрад павінен Сяргей Карэцкі — дзеючы кіраўнік «Нафтагазу».