«Вынік цалкам відавочны»

• 16.07.2026, 8:10

Z-блогер Калашнікаў прызнаў крах РФ у вайне.

Расійскі Z-блогер Максім Калашнікаў паведаміў пра рэзкае пагаршэнне становішча РФ у вайне супраць Украіны. Эканоміка краіны пачала абвальвацца з-за зацягнутай вайны і ўдараў з боку Украіны.

Адпаведнае паведамленне Калашнікаў апублікаваў 15 ліпеня на сваім канале ў Telegram. Ён паскардзіўся, што паліўны крызіс б'е па ўсёй эканоміцы Расіі. У краіне рэзка пачалі даражэць грузаперавозкі, і гэты рост ужо дасягнуў гістарычнага максімуму. Акупаваны Крым увогуле ізаляваны, паліва там практычна няма.

У цэлым, паводле звестак Калашнікава, «выразна бачная транспартная блакада» ўсіх акупаваных Расіяй тэрыторый Украіны.

«Бомонд РФ бязбожна тармозіць, тады як вораг – аператыўны… Кіраўніцтва РФ ваюе з запраўкамі. Вынік, на маю думку, цалкам відавочны», – напісаў Калашнікаў.

Ён канстатаваў, што РФ імкліва нясецца да «зацягвання вайны і абвалу эканомікі».

Раней экс-кіраўнік тэрарыстаў «ДНР» Ігар Стралкоў (Гіркін) заявіў, што Расію чакае катастрофа.