У Беларусі варэнне пачалі прадаваць вельмі незвычайным спосабам

• 16.07.2026, 13:37

Ёсць попыт.

На Беларускай універсальнай таварнай біржы пачалі гандляваць варэннем, піша БелТА.

Так, упершыню на біржы пачалі прадаваць беларускае ягаднае варэнне. Партыю ўжо ўдалося рэалізаваць падчас сесійных біржавых таргоў. Партыю варэння ў буйнога беларускага вытворцы харчовых інгрэдыентаў праз біржу набыла айчынная кандытарская кампанія.

Усяго ж за першае паўгоддзе 2026 года праз біржу было прададзена прадуктаў, бакалеі і харчовай прадукцыі на 69,8 мільёна беларускіх рублёў (на 53% больш, чым за аналагічны перыяд 2025 года). Пры гэтым усё часцей удзельнікі рынку самі ініцыююць з’яўленне новых таварных пазіцый. Уключэнне варэння ў пералік біржавых тавараў стала менавіта такім выпадкам.

- Сёлета найбуйнейшымі пакупнікамі харчовай сыравіны, бакалеі і пладова-агародніннай прадукцыі на біржавой пляцоўцы з’яўляюцца кандытарскія фабрыкі, мясакомбінаты і малочнаперапрацоўчыя прадпрыемствы, — паведамілі ў БУТБ.