Украінскія байцы знішчылі рэдкі расійскі дрон «Арыён»

Відэафакт.

Ваяры ЗСУ «мінуснулі» небяспечны расійскі беспілотнік «Арыён» коштам 5 мільёнаў долараў.

Пра гэта паведамляе Charter97.org са спасылкай на заяву 115-й асобнай механізаванай брыгады ЗСУ ў Facebook.

Падраздзяленне «Прышэльцы» ўкраінскім дроном-перахопнікам збіла расійскі «Арыён» — гэта рэдкі і дарагі БПЛА.

Ён можа несці авіябомбы і ўдарныя крылатыя ракеты «Бандэролі», якія тэрарызуюць украінскія гарады, адзначылі ў брыгадзе.

«Яго няпроста збіць. Але лётчыкі ЗРДН «Прышэльцы» 115 АМБр высачылі, дагналі і знішчылі варожую «птушку», — гаворыцца ў паведамленні.

Гэта другі выпадак збіцця «Арыёна» дроном-перахопнікам, удакладнілі байцы.

Апошнія навіны