Іран пагразіў нанесці ўдары па хмарачосах Трампа на Блізкім Усходзе

• 16.07.2026, 21:37

Нерухомасць прэзідэнта ЗША знаходзіцца ў ААЭ і Саудаўскай Аравіі.

Корпус вартавых ісламскай рэвалюцыі (КВІР) Ірана назваў нерухомасць прэзідэнта ЗША Дональда Трампа у ААЭ і Саудаўскай Аравіі законнай мэтай для ўдараў, паведаміла агенцтва IRNA.

У згаданых краінах Трамп валодае некалькімі гольф-клубамі і хмарачосамі. Сярод іх — Trump International Hotel & Tower (Дубай), Trump Plaza (Джыда), Trump Tower (Эр-Рыяд).

17 чэрвеня ЗША і Іран падпісалі часовы мемарандум аб узаемаразуменні, які прадугледжвае спыненне баявых дзеянняў і запуск новага раунду перамоваў. Аднак 8 ліпеня, пасля аднаўлення ўдараў, Трамп абвясціў, што перамір’е паміж Вашынгтонам і Тэгеранам больш не дзейнічае, і ён не плануе весці перамовы з Іранам.

З канца мінулага тыдня Вашынгтон і Тэгеран абменьваюцца ўдарамі на Блізкім Усходзе. Эскалацыя адбылася на фоне спрэчак бакоў аб Армузскім праліве. У ноч на 14 ліпеня прэзідэнт ЗША паабяцаў некалькі серый «магутных удараў» па Ісламскай Рэспубліцы і паведаміў Кангрэс пра аднаўленне ваенных дзеянняў у рэгіёне.