Валерый Залужны: Трэба ўзмацніць ціск на Расію

• 2.07.2026, 12:28

Ілюзіі пра хуткі канец вайны — падманлівыя.

Былы галоўнакамандуючы ЗСУ і пасол Украіны ў Вялікабрытаніі Валерый Залужны пасля масіраванага ўдару РФ па Кіеве заявіў у сацсетцы «Фэйсбук», што «ілюзіі пра хуткі канец вайны падманлівыя»

«Кіеў. Расія зноў і зноў дэманструе сваё «жаданне» міру, — напісаў ён. — Падступна забіваючы ўначы мірных жыхароў, разбураючы жылыя дамы мірных людзей.

Такія масіраваныя абстрэлы — яшчэ адно сведчанне таго, што ілюзіі пра хуткі канец вайны падманлівыя. Тую ж рэальнасць павінны разумець і нашы партнёры. Трэба ўзмацніць ціск на Расію, каб цана вайны для яе стала занадта высокай».

Залужны падзякаваў усім, хто ратуе і абараняе, а таксама выказаў спачуванні сям'ям загінулых і пацярпелых.