Па ўсёй Польшчы на гэтым тыдні прагучаць сірэны трывогі

• 20.07.2026, 22:04

Улады звярнуліся да грамадзян з папярэджаннем.

21 ліпеня Польшча будзе правяраць сістэмы апавяшчэння па ўсёй краіне.

Пра гэта паведамляе Interia Wydarzenia.

Па ўсёй краіне прагучаць сірэны. Праверка гукавых сігналаў стане часткай вучэнняў «Трывога-26» і будзе праходзіць з 7:00 да 19:00.

«Захоўвайце спакой», — заклікае Цэнтр урадавой бяспекі ў сваім папярэджанні.

Жыхары ўсёй Польшчы атрымалі гэтае паведамленне.

Мэта вучэнняў:

праверыць практычнае прымяненне сістэм апавяшчэння,

папярэджанне насельніцтва.

Гэтыя выпрабаванні праводзяцца выключна ў вучэбных мэтах і не ўяўляюць рэальнай пагрозы, адзначылі ў Цэнтры.

Будуць пададзены два акустычныя сігналы трывогі ў адпаведнасці з дзеючымі правіламі:

абвяшчэнне трывогі — мадуляваны гук сірэны, які працягваецца тры хвіліны,

адмена трывогі — бесперапынны манатонны гук сірэны (таксама 3 хвіліны).