Самы незвычайны Range Rover у гісторыі кіне выклік BMW X6

• 22.07.2026, 13:33

Нестандартны аўтамабіль уяўляе сабой гібрыд кросовера, універсала і купэ.

Новы Range Rover GT павінны прадставіць да канца года. А пакуль на афіцыйным сайце брытанскага аўтавытворцы апублікавалі фота кросовера.

Range Rover GT — самая нестандартная мадэль у гісторыі брэнда, найбольш блізкая да легкавых аўтамабіляў. Яе называюць турэрам, а ў яе дызайне спалучаюцца рысы кросовера, універсала і купэ. Канкурэнтамі мадэлі стануць BMW X6 і Porsche Cayenne Coupe.

Раней аўтамабіль заўважылі падчас выпрабаванняў, і тады яго прынялі за пераемніка Range Rover Velar, аднак цяпер у Jaguar Land Rover растлумачылі, што гэта асобная мадэль — пяты прадстаўнік сямейства Range Rover.

Кросовер Range Rover GT абклеілі камуфляжнай плёнкай, аднак можна разгледзець дынамічны сілуэт з доўгім капотам, высокай лініяй вокнаў і вялікім вуглом нахілу лабавога шкла. У яго тонкія святлодыёдныя фары і заднія ліхтары.

Чатырохмесны салон Range Rover GT быў цалкам прадстаўлены публіцы. На месцы вадзіцеля лічбавая прыборная панэль размешчана даволі высока, а на цэнтральнай кансолі ўсталяваны вялікі сэнсарны экран. Пярэднія сядзенні падзеленыя двухузроўневай кансоллю.