Прадаўцы скардзяцца на мізэрную кампенсацыю за знішчаныя тавары на складах Wildberries

• 23.07.2026, 9:23

Памер «падачкі» абурыў расіян.

У Расіі маркетплейс Wildberries пачаў выплачваць грашовую кампенсацыю прадаўцам, чыі тавары былі знішчаныя ў выніку паветранага ўдару ЗСУ. Але толькі невялікая колькасць сэлераў атрымала выплаты, а тыя, каму зрабілі пераказ, скардзяцца, што ён мізэрны, піша Диалог.UA пасля маніторынгу сацсетак.

Заснавальніца Wildberries Тацяна Кім 22 ліпеня абвясціла пра пачатак выплат кампенсацый прадаўцам, чыі тавары былі знішчаныя на складзе кампаніі ў Электрасталі. Яна заявіла, што фінансавую падтрымку «на працягу сутак» атрымаюць больш за 88 тысяч «найменшых і найменш абароненых» прадпрымальнікаў.

Але яна не ўдакладніла, па якім прынцыпе будзе разлічвацца грашовая кампенсацыя. На момант напісання гэтай навіны толькі невялікая колькасць з больш як 88 тысяч «найменшых і найменш абароненых» сэлераў атрымала выплаты за знішчаныя тавары ў Электрасталі. Тыя ж, хто атрымаў, скардзяцца, што яны невялікія.

Некаторыя прадаўцы маркетплейса Wildberries назвалі грашовую кампенсацыю за знішчаныя і пашкоджаныя тавары «падачкай». «У нас было тавараў прыблізна на 300 тысяч, а прыйшло (кампенсацыі – прым. рэд.) каля 3 тысяч», — расказаў адзін з сэлераў. Лагістычныя комплексы Wildberries выкарыстоўваюць для забеспячэння ваенна-прамысловага комплексу Расіі падсанкцыйнымі таварамі. Напрыклад, паводле даных прэзідэнта Украіны Уладзіміра Зяленскага, на складзе ў Электрасталі знаходзіліся камплектуючыя для дронаў і навігацыйнае абсталяванне. У сувязі з гэтым такія аб’екты з’яўляюцца законнымі мэтамі для Сіл абароны Украіны. На дадзены момант ЗСУ знішчылі 3 і сур’ёзна пашкодзілі яшчэ два з 20 найбуйнейшых лагістычных цэнтраў кампаніі Wildberries у Расіі.