Лукашэнка замяніў двух міністраў

• 23.07.2026, 12:48

А таксама паслоў і раённых чыноўнікаў.

Лукашэнка замяніў кіраўнікоў двух міністэрстваў і прызначыў новых паслоў Беларусі ў Таджыкістане і Мазамбіку. Пра гэта стала вядома сёння, 23 ліпеня.

Міністрам архітэктуры і будаўніцтва стаў Вадим Ольшевский. Да прызначэння ён займаў пасаду намесніка старшыні Брэсцкага аблвыканкама, дзе курыраваў пытанні будаўніцтва, транспарту і жыллёва-камунальнай гаспадаркі.

Пасаду міністра лясной гаспадаркі заняў Сергей Ульдинович.

Акрамя таго, прызначаныя новыя кіраўнікі дыпламатычных місій. Паслом Беларусі ў Таджыкістане стаў Александр Худолеев, які да гэтага працаваў першым намеснікам міністра па надзвычайных сітуацыях.

Паслом Беларусі ў Мазамбіку па сумяшчальніцтве прызначаны Юрий Николайчик. Ён таксама ўзначальвае беларускую дыпмісію ў Зімбабвэ.

Таксама Лукашэнка ўзгадніў прызначэнні шэрагу кіраўнікоў мясцовых выканаўчых і распарадчых органаў.

Першым намеснікам старшыні Гродзенскага аблвыканкама ўзгоднены Сергей Медзвецкас. Намеснікам старшыні Брэсцкага аблвыканкама, які курыруе будаўніцтва, транспарт і жыллёва-камунальную гаспадарку, стане Александр Максимчук.

Старшынём Астравецкага райвыканкама прызначаны Руслан Жуковский, Слонімскі райвыканкам узначаліць Виталий Шулейко. Старшынём Шчучынскага райвыканкама стане Игорь Аверко.

Кіраўніком адміністрацыі Ленінскага раёна Гродна прызначаны Владислав Гершгорин.