Сырскі паказаў першае фота пасля адстаўкі

• 23.07.2026, 19:00

Экс-галоўнакамандуючы ЗСУ на ім не адзін.

Былы галоўнакамандуючы ЗСУ Аляксандр Сырскі 23 ліпеня апублікаваў у Telegram сваё першае фота пасля адстаўкі.

На здымку Сырскі, усміхаючыся, пазуе на канапе ў абдымку з сабакам, які вельмі нагадвае стафардшырскага тэр'ера. Сабака пазуе з цацкай у форме косткі, якую моцна трымае ў зубах.

«Ужо можна», – каротка падпісаў фота Сырскі.

Гэта першае фота былога галоўнакамандуючага ЗСУ са сваім улюбёнцам — раней ён не публікаваў асабістыя здымкі, абараняючы прыватнае жыццё ад публікі. У нешматлікіх інтэрв'ю экс-галоўнакамандуючы таксама не распавядаў, што ў яго ёсць сабака гэтай пароды.