«МЛ Віцебск» здабыў першую ў сваёй гісторыі перамогу ў еўракубках

• 23.07.2026, 21:58

Віцебляне разграмілі чарнагорскую «Суцьеску» ў Лізе канферэнцый.

Разграміўшы чарнагорскую «Суцьеску» з лікам 3:0 у Лізе канферэнцый, «МЛ Віцебск» выйграў першы еўракубкавы матч у сваёй гісторыі.

Перамогу чэмпіёнам Беларусі прынеслі мячы Валерыя Грамыкі, Кірыла Гаманава і Басэку Дыялабе.

«МЛ» правёў трэці еўракубкавы матч у сваёй гісторыі. Раней каманда Філіпа Сакалінскага двойчы прайграла «Універсітатэ» Крайова ў кваліфікацыі Лігі чэмпіёнаў — 1:4 і 0:1. З-за гэтага віцебскі клуб апусціўся ў Лігу канферэнцый.