Намеснік кіраўніка Пентагона Колбі: Самы час завяршыць вайну РФ ва Украіне

• 24.07.2026, 2:08

Амерыканская адміністрацыя спадзяецца на як мага хутчэйшае дасягненне дамоўленасцяў з Масквой.

Намеснік кіраўніка Пентагона па палітычных пытаннях Элбрыдж Колбі заявіў у інтэрв'ю The New York Times, што надышоў аптымальны час для завяршэння вайны РФ ва Украіне. Паводле яго слоў, амерыканская адміністрацыя спадзяецца на як мага хутчэйшае дасягненне дамоўленасцяў з Масквой.

«Думаю, калі б я быў у Крамлі, я б параіў сказаць: цяпер самы прыдатны час, каб пакласці канец гэтаму канфлікту. У асобе прэзідэнта Трампа ў вас ёсць чалавек, шчыра зацікаўлены ў міры. Давайце будзем рацыянальнымі. Давайце заключым здзелку. Думаю, гэта быў бы разумны падыход», — адзначыў намеснік кіраўніка Пентагона.