Ford запатэнтавала дыстанцыйную паркоўку з тэлефона

• 27.07.2026, 20:44

Запаркаваць аўто можна будзе, не знаходзячыся ў аўто.

Кампанія Ford атрымала патэнт на дыстанцыйную паркоўку, піша av.by.

Пры гэтым у першую чаргу ўлічваецца ўвага кіроўцаў.

Без належнай канцэнтрацыі запаркаваць аўто не атрымаецца.

Пры дыстанцыйнай паркоўцы манеўр можна запусціць са смартфона, не знаходзячыся ў аўто. Аўтамабіль самастойна выканае павароты руля, тармажэнне і кіраванне. Але чалавеку ўсё адно давядзецца заставацца ўважлівым.

Адбываецца гэта так: перад паркоўкай кіроўца самастойна выбірае зручнае становішча смартфона. Пасля датчыкі адсочваюць паварот, нахіл і перамяшчэнне гаджэта.

Пры гэтым на экране пакажуць межы дапушчальнага адхілення: калі чалавек наблізіцца да іх, прылада падасць візуальны, гукавы або вібрацыйны сігнал.

Назіраць за аўто ўсё ж давядзецца кіроўцу. Калі ж рух смартфона стане рэзкім або празмерным, гэта будзе ўспрынята як страта кантролю. Тады паркоўка можа спыніцца.

Што цікава, у патэнце ідзе гаворка менавіта пра кантроль увагі кіроўцы, у дакуменце не апісваецца новая сістэма распазнавання людзей або іншых аўтамабіляў.