Беларускі брамнік аддаў пераможную галявую перадачу ў чэмпіянаце Балгарыі

• 28.07.2026, 12:51

Відэафакт.

Сафійскі ЦСКА з беларусамі Фёдарам Лапоухавым і Максам Эбонгам у складзе перамог «Батэва» ў другім туры чэмпіянату Балгарыі па футболе.

Абодва гульцы нацыянальнай зборнай Беларусі правялі на полі ўсе 90+ хвілін. Лапоухаў, які стаяў у варотах, адзначыўся выніковым дзеяннем — менавіта яго перадача ў выніку прывяла да пераможнага гола.

Лепшы футбаліст Беларусі 2024 года спачатку здзейсніў сэйў, а потым далёка выбіў мяч уперад. Ёэль Цварц, які ў гэтым матчы аформіў дубль, падхапіў мяч недалёка ад чужой штрафной пляцоўкі.

Пасля двух тураў ЦСКА з чатырма ачкамі займае пятае месца ў турнірнай табліцы чэмпіянату Балгарыі.