Гарналыжны комплекс «Лагойск» прадалі на аўкцыёне

• 28.07.2026, 14:29

З трэцяга разу.

Гарналыжны спартыўна-аздараўленчы комплекс «Лагойск», які прыпыніў сваю працу з красавіка, знайшоў новага ўладальніка.

Аўкцыён прайшоў 23 ліпеня з трэцяй спробы — першыя дзве не адбыліся праз адсутнасць заявак.

Першапачаткова комплекс выстаўляўся за 23,2 мільёна рублёў, але да трэціх таргоў стартовую цану знізілі да 13,9 мільёна.

У выніку фінальная стаўка дасягнула 19,6 млн рублёў (каля $6,8 млн у эквіваленце).

Згодна з умовамі продажу, новы пакупнік павінен выплаціць усю суму на працягу 20 дзён, пасля чаго маёмасць афіцыйна перайдзе ў уласнасць.

Галоўнае патрабаванне да новага ўладальніка — захаванне мэтавага прызначэння аб’екта і забеспячэнне яго даступнасці для наведвальнікаў усіх катэгорый.

Хто стаў новым уласнікам, не называецца.