Белы дом назваў пазітыўнымі сустрэчы Трампа з Зяленскім і Нетаньяху

• 28.07.2026, 20:35

Абедзве сустрэчы былі прадуктыўнымі.

Прэзідэнт ЗША Дональд Трамп завяршыў сустрэчы з прэзідэнтам Украіны Уладзімірам Зяленскім і прэм'ер-міністрам Ізраіля Біньямінам Нетаньяху. Пра гэта паведаміла прэс-сакратарка Белага дома Кэролайн Левітт у сацсетцы X.

«Абедзве сустрэчы прайшлі пазітыўна і прадуктыўна», — адзначыла Левітт. Перамовы прайшлі ў Авальным кабінеце Белага дома. Са спадаром Зяленскім амерыканскі прэзідэнт размаўляў каля гадзіны, а са спадаром Нетаньяху — паўтары гадзіны.

Уладзімір Зяленскі таксама заявіў, што сустрэча прайшла добра. На ёй, паводле слоў прэзідэнта Украіны, бакі абмеркавалі прадастаўленне Кіеву ліцэнзій на вытворчасць амерыканскіх супрацьракетных комплексаў і шляхі садзейнічання мірным перамовам з Расіяй.

Чыноўнік, які прысутнічаў на сустрэчы прэм'ера Нетаньяху і прэзідэнта Трампа, паведаміў ізраільскаму агенцтву Ynet, што сустрэча прайшла «вельмі пазітыўна». «Было відаць, што паміж лідарамі склалася ўзаемнае разуменне», — адзначыў суразмоўца. Бакі, паводле яго слоў, пацвердзілі мэту не дапусціць, каб Іран атрымаў ядзерную зброю, і абмеркавалі розныя сцэнары развіцця сітуацыі на Блізкім Усходзе.

Прэзідэнт Украіны і прэм'ер Ізраіля прыляцелі сёння ў Вашынгтон на пахаванне сенатара Ліндсі Грэма.