Зяленскі ў ЗША сустрэўся з камандай вытворцы F-16 і ракет для Patriot

• 28.07.2026, 22:13

Прэзідэнт Украіны паведаміў падрабязнасці.

Украінскі прэзідэнт сустрэўся ў ЗША з камандай абароннай кампаніі Lockheed Martin.

Пра гэта паведамляе Charter97.org са спасылкай на заяву Уладзіміра Зяленскага.

«Сустрэўся з камандай абароннай кампаніі Lockheed Martin — адной з наймацнейшых у Злучаных Штатах, з якой мы ўжо даўно супрацоўнічаем. Менавіта Lockheed Martin вырабляе ATACMS, HIMARS, F-16 і ракеты для сістэм Patriot», — адзначыў кіраўнік дзяржавы.

Прэзідэнт распавёў, што абмеркаваў з Lockheed Martin яшчэ большае развіццё супрацоўніцтва з Украінай — у прыватнасці, сумесную вытворчасць і абмен тэхналогіямі.

«Украіне ёсць чым падзяліцца з тымі, хто дапамагае нам абараняць жыццё. Гаварылі пра нашыя агульныя магчымасці што да Patriot’аў і іншых сістэм», — паведаміў Зяленскі.

Ён дадаў, што каманды кампаніі і Украіны ўжо працуюць над канкрэтнымі рашэннямі, якія дазволяць «хутчэй перайсці да сумеснай вытворчасці і павялічыць нашыя магчымасці ў абароне жыццяў».