У расійскім «Арэшніку» знайшлі каля 100 беларускіх кампанентаў

• 29.07.2026, 15:02

Лукашэнка нарываецца на адказ Украіны.

У расійскай балістычнай ракеце сярэдняй далёкасці «Арэшнік» ужо амаль не засталося замежных кампанентаў. Пры гэтым каля 100 з іх вырабляе Беларусь. Пра гэта расказаў дарадца прэзідэнта па пытаннях санкцыйнай палітыкі Уладзіслаў Уласюк, піша «РБК-Украіна».

Прадстаўнік Офіса Прэзідэнта Украіны паказаў абломкі «Арэшніка» і крылатай ракеты «Бандэроль», а таксама паведаміў, што ў балістычнай ракеце налічваецца больш за 1000 кампанентаў расійскай вытворчасці, яшчэ каля 100 — беларускай.

«Асноўная частка выраблена ў 2023–24 гадах, ёсць і 2025 год. Гэта значыць, яны выпускаюць проста цяпер нейкія свае рэчы», — адзначыў Уласюк.

Ён падкрэсліў, што гэта сведчыць пра тое, што Расія ўжо здольная вырабляць гэтыя ракеты практычна без замежных камплектуючых.

Уласюк таксама паказаў, як прыблізна выглядае кінетычны зарад. Элементаў паражэння — 36, і яны, верагодна, выраблены з вальфраму.

Як пісаў сайт Charter97.org, Украіна разгледзіць магчымасць узбуджэння крымінальнай справы супраць Лукашэнкі.