«Белаграпрамбанк» зняў у беларускай 1260 рублёў без папярэджання

• 29.07.2026, 18:07

Яна скарысталася банкаматам іншага банка.

Карыстальніца Threads @alessika7 выявіла, што за зняцце 40 тысяч рублёў у яе з рахунку спісалі яшчэ 1260.

«Зняла грошы з карткі «Белаграпрамбанка» ў банкамаце «Белінвестбанка», які бліжэй да дому. Раней заўсёды так рабіла, і банк ніякай камісіі не браў. Сёння ў дадатку выявіла, што за зняцце спісана 1260 беларускіх рублёў!

Патэлефанавала на 136, аказваецца, мой «Белаграпрамбанк», кліенткай якога я з'яўляюся шмат гадоў, без папярэджання ўвёў такую шалёную камісію. Як я павінна была пра гэта даведацца, у які момант? Адчуваю сябе падманутай».

Наяўныя грошы спатрэбіліся для куплі новага аўтамабіля.