Беларускія банкі ўводзяць чарговыя навацыі ў дачыненні да картак

• 30.07.2026, 8:31

Стала вядома, што змяняецца для кліентаў.

У некаторых банках з’явіліся навацыі адносна картак. «Зеркало» распавядае падрабязнасці пра тое, што змяняецца для іх кліентаў.

«Нео Банк Азія» з 29 ліпеня ўвёў змены па бягучых рахунках, да якіх прывязаныя карткі. Ён прапісаў, што будзе закрываць іх не пазней за «банкаўскі дзень, наступны за днём сплыву 30 каляндарных дзён з дня прыняцця заявы».

«Белаграпрамбанк» з 1 верасня зменіць памер камісіі па некаторых паслугах па картках. Гэта закране ў тым ліку прагляд балансу ў банкаматах іншых фінансавых устаноў, а таксама разблакіроўку «пластыка», калі тры разы ўвесці няправільны PIN-код.

«Белгазпрамбанк» з 31 жніўня перагледзіць памеры працэнтаў, якія налічвае па бягучых рахунках фізічных асоб, да якіх прывязаныя карткі.

У «Тэхнабанка» з’явіліся новыя партнёры па картцы «ЗОЖ». Сярод іх — трэнажорная зала Valhalla Gym Club, студыя фітнесу LeFit, батутная арэна Hero Park, салон прыгажосці Good ЛАК.

«Сбер Банк» абвясціў, што з 24 жніўня абновіць умовы абслугоўвання фізічных асоб. Ёсць навацыі і па «пластыку». «Удакладнены правы бакоў і адказнасць у частцы атрымання наяўных грашовых сродкаў з выкарыстаннем рахунку і карткі, у тым ліку ў замежнай валюце», — паведамляе фінансавая ўстанова.