Кітайскі Geely Atlas Pro згніў пасля трох беларускіх зім

• 30.07.2026, 10:17

Відэафакт.

Віцебская майстэрня паказала на відэа, у якім стане апынуўся кітайскі паркетнік Geely усяго праз некалькі гадоў эксплуатацыі ў беларускім клімаце.

Гаворка пра Geely Atlas Pro выпуску 2022 года з прабегам 95 тысяч кіламетраў. Нягледзячы на тое, што кросовер перажыў усяго тры зімы, яго днішча ўжо пакрытае шматлікімі ачагамі карозіі.

«А знізу тут усё — ужо труба, процьма іржы. Са стыкаў металу ідзе іржа, усё лупіцца, плюс у схаваных паражнінах сітуацыя такая ж», — каментуе майстар, дэманструючы маштаб праблемы на аўтамабілі, якому ўсяго чатыры гады.

На відэа відаць, што на днішчы практычна не засталося ніводнага элемента, якога б не закранула іржа. Дасталося і бэлькам, і іншым элементам кузава — карозія дабралася да ланжэронаў і ўзмацняльнікаў. Пры гэтым, акрамя ўчасткаў з ужо відавочна раз'едзеным металам, на кузаве хапае месцаў, дзе лакафарбавае пакрыццё адвалілася зусім нядаўна, агаліўшы голы метал.

Асобную заклапочанасць у майстра выклікае тое, што карозія канцэнтруецца найперш у месцах мацаванняў — а гэта асабліва небяспечна на перспектыву, калі метал у гэтых зонах і далей будзе раз'ядаць іржа.