З’явілася відэа падзення ракеты ў Польшчы

• 30.07.2026, 10:46

На запісе чутны магутны выбух.

Польскі інфармацыйны партал bilgoraj.com.pl апублікаваў відэа з камеры назірання, якая зафіксавала момант падзення аб’екта, які ўначы 30 ліпеня парушыў паветраную прастору Польшчы і ўпаў на тэрыторыі Люблінскага ваяводства.

Запіс зроблены камерай, усталяванай у адным з дамоў у гміне Туробін, прыблізна за 8 км ад Тарнавы-Калоніі, дзе ў выніку падзення аб’екта ўтварылася варонка.

На відэа чутны магутны выбух. Гадзіннік на камеры паказвае, што аб’ект упаў а 3:45 раніцы (4:45 па мінскім часе).

Нагадаем, як раней пісаў сайт Charter97.org, падчас масіраванага расійскага ракетнага ўдару па Украіне адна з ракет парушыла паветраную прастору Польшчы і ўпала ў Люблінскім ваяводстве. У сувязі з інцыдэнтам прэм’ер-міністр Польшчы Дональд Туск склікаў каардынацыйную групу.