Дроны ЗСУ атакавалі Севастопаль

• 12.08.2026, 8:52

Больш за 30 БПЛА.

Паведамляецца пра масіраваную атаку ЗСУ на акупаваны Севастопаль. Расіяне рапартуюць, што ўжо збіта больш за 30 дронаў. Пра гэта паведаміў так званы губернатар Міхаіл Развожаеў.

«Нашы вайскоўцы, авіяцыя, СПА і мабільныя агнявыя групы адбіваюць масіраваную атаку ЗСУ. Збіта ўжо больш за 30 БПЛА», — напісаў ён.

Паводле ягоных звестак, актыўны перахоп дронаў адбываецца ў Балаклаўскім раёне. У Балаклаве ў трох шматкватэрных і пяці прыватных дамах выбітыя вокны і зафіксаваныя іншыя пашкоджанні, на некалькіх дзялянках упалі уламкі збітых беспілотнікаў.

Акрамя таго, у шэрагу раёнаў горада з-за падзення ўламкаў адбыліся нязначныя ўзгаранні травы і лесу.