У беларусаў могуць узнікнуць праблемы з банкаўскімі карткамі

• 12.08.2026, 10:26

Варта запасціся наяўнымі грашамі.

У ноч на пятніцу, 14 жніўня, у беларусаў могуць узнікнуць праблемы з аплатай банкаўскімі карткамі і са зняццем наяўных грошай. Пра магчымыя збоі папярэдзіў Банкаўскі працэсінгавы цэнтр.

Прычына — планавыя работы на абсталяванні сеткі перадачы даных. Іх будуць праводзіць з 01:00 да 04:30.

У гэты перыяд магчымыя кароткатэрміновыя перапынкі ў абслугоўванні картак банкаў, якія карыстаюцца паслугамі цэнтра. Збоі могуць закрануць аплату тавараў і паслуг, зняцце наяўных, а таксама аперацыі ў прыладах самаабслугоўвання.

Акрамя таго, магчымыя перабоі ў працы банкаматаў банкаў, падключаных да праграмна-тэхнічнага комплексу Банкаўскага працэсінгавага цэнтра. Асобныя паслугі кантакт-цэнтра таксама могуць быць часова недаступныя.

Завяршыць тэхнічныя работы плануюць да 04:30 раніцы. Таму тым, хто збіраецца здзяйсняць плацяжы або здымаць наяўныя ў гэты час, варта ўлічыць магчымыя кароткатэрміновыя збоі.