У Беларусі вырас дэфіцыт знешняга гандлю прамысловай прадукцыі

• 12.08.2026, 13:10

Амаль у пяць разоў.

За апошнія пяць гадоў беларуская прамысловасць значна зменшыла арыентаванасць на знешні гандаль. Дэфіцыт экспарту за гэты час павялічыўся ў пяць разоў, піша Thinktanks.pro.

Выданне спасылаецца на статыстыку Белстата, паводле якой удзельная вага экспарту ў аб’ёме прамысловай вытворчасці знізілася з 57,3%, якая была ў 2021 годзе, да 50,9% у 2025 годзе.

Пры гэтым імпарт расце, і нашмат хутчэй. Так, за гэты перыяд экспарт вырас на 2,6% — з 36,9 млрд долараў да 37,9 млрд. А імпарт дадаў амаль 18% — з 38,5 млрд долараў да 45,3 млрд. Гэта прывяло да росту дэфіцыту гандлю прамысловай прадукцыяй амаль у пяць разоў — з 1,5 млрд да 7,4 млрд долараў.

Сам па сабе аб’ём прамысловай вытворчасці летась скараціўся ўпершыню пасля 2022-га — на 1,8% у супастаўных цэнах да папярэдняга года.

Пры гэтым рэальная зарплата ў галіне ў 2025 годзе стала амаль на 50% вышэй за ўзровень 2020 года, у той час як прадукцыйнасць працы за гэты ж перыяд вырасла толькі на 13,4%.

А вось колькасць занятых у прамысловасці практычна не змянілася: 843,9 тысячы чалавек у 2025-м супраць 842,1 тысячы па выніках 2021-га.

У той жа час колькасць прамысловых арганізацый за апошнія 5 гадоў вырасла амаль на 10% — з 16 040 да 17 626 адзінак.