Беларусаў папярэдзілі пра збоі ў працы банкаўскіх картак

• 12.08.2026, 19:47

Магчымыя праблемы пры аплаце пакупак і зняцці наяўных грошай.

Перабоі ў абслугоўванні банкаўскіх картак могуць узнікнуць 14 жніўня з 1.00 да 4.30, папярэдзіў «Банкаўскі працэсінгавы цэнтр» (БПЦ).

У гэты час супрацоўнікі ведамства будуць праводзіць тэхналагічныя работы на абсталяванні сеткі перадачы даных.

Магчымыя перабоі ў абслугоўванні картак банкаў, якія карыстаюцца паслугамі цэнтра. Акрамя таго, праблемы могуць узнікнуць з аплатай тавараў і паслуг, знятцем наяўных грошай, а таксама з аперацыямі ў прыладах самаабслугоўвання і банкаматах банкаў, падключаных да праграмна-тэхнічнага комплексу БПЦ.