У Шклове гарэла выпраўчая калонія № 17

• 13.08.2026, 2:27

Узгаранне адбылося ў будынку бытавога прызначэння.

У Шклове здарыўся пажар на тэрыторыі выпраўчай калоніі № 17. Пра ўзгаранне «ў будынку бытавога прызначэння» паведаміла МНС.

У МНС распавялі, што 12 жніўня ратавальнікам паступіла паведамленне аб пажары ў будынку па вуліцы Першай Заводскай. Судзячы па каардынатах на апублікаваным відэа, гэта выпраўчая калонія № 17. Таксама бачныя людзі ў форме турэмнай аховы.

«Па прыбыцці да месца падраздзяленняў МНС адбывалася адкрытае гарэнне ў будынку бытавога прызначэння, утварылася шчыльнае задымленне. Людзей унутры не было», — паведамілі ў МНС.

Ратавальнікі ліквідавалі пажар. Пацярпелых няма. На месцы здарэння працавалі тры адзінкі тэхнікі МНС.

Прычына здарэння ўсталёўваецца, разгляданая версія — кароткае замыканне электраправодкі.