На тэрыторыі Беларусі пасля ўдараў ЗСУ выявілі згарэлую фуру

• 13.08.2026, 12:32

Згарэлы прычэп быў заўважаны каля памежнага пераходу «Чырвоны Камень» на мяжы з РФ.

На відэа, апублікаваным выданнем «Флагшток», зафіксаваны згарэлы паўпрычэп без цягача. Побач з прычэпам знаходзяцца аўтамабілі беларускіх спецслужбаў, у тым ліку міліцэйскі УАЗ з надпісам «Добруш».

Месца здарэння, верагодна, знаходзіцца на трасе М-10 на тэрыторыі Добрушскага раёна, паміж скрыжаваннем з дарогай на Дубецкае і мостам цераз раку Харапуць.

Згарэлы прычэп мог атрымаць агнявое ўздзеянне ад БПЛА яшчэ на расійскай тэрыторыі раніцай 11 жніўня. У той жа дзень некалькі грузавікоў пацярпелі ад БПЛА недалёка ад памежнага пераходу «Чырвоны Камень».