Іспанскі скейтбордыст выканаў трук на фоне сонечнага зацьмення

• 13.08.2026, 15:19

Эфектныя кадры ўразілі карыстальнікаў сацсетак.

Іспанскі скейтбордыст Дэні Леон дачакаўся моманту, калі Месяц цалкам закрыў Сонца, і менавіта тады скочыў на скейтбордзе. На відэа здаецца, нібыта Леон літаральна пралятае перад зацямнёным Сонцам.

Кадры спартовец апублікаваў у Instagram, назваўшы гэты трук «рухам свайго жыцця». Відэа хутка стала вірусным і сабрала мільёны праглядаў.

Леон — прафесійны скейтбордыст, які прадстаўляў Іспанію на Алімпіядзе ў Токіа-2020 і Гульнях у Парыжы-2024.