Украіна і Расія абмяняліся праз Беларусь цывільнымі асобамі

• 13.08.2026, 17:11

Абмен адбыўся ў пункце пропуску «Новая Гута».

13 жніўня праз тэрыторыю Беларусі адбыўся чарговы гуманітарны абмен цывільнымі асобамі паміж Украінай і Расіяй. Абмен адбыўся ў пункце пропуску «Новая Гута» на беларуска-ўкраінскай мяжы. У Расію накіраваліся восем чалавек, ва Украіну — сем.

Сярод тых, хто ўдзельнічаў у абмене, былі пажылыя людзі і людзі з інваліднасцю. Некаторым з іх падчас перамяшчэння спатрэбілася медыцынская дапамога. Напрыклад, аднаго з пенсіянераў пасля перанесенага інсульту перавозілі ў рэанімабілі ў суправаджэнні фельчара.