«Такога свет яшчэ не бачыў»: ЗША анансавалі беспрэцэдэнтныя меры супраць Ірана

• 14.08.2026, 9:27

Кіраўнік Міністэрства фінансаў раскрыў задум Вашынгтона.

Злучаныя Штаты плануюць ужыць супраць Ірана беспрэцэдэнтныя меры. Перш за ўсё ідзе гаворка пра магутны эканамічны ціск на рэжым.

З такой заявай выступіў кіраўнік Мінфіна ЗША Скот Бэсэнт, паведамляе Newsmax.

Паводле слоў амерыканскага міністра, на наступным тыдні Белы дом абвесціць рашэнні па Тэгеране, якія выведуць эканамічную ізаляцыю краіны на беспрэцэдэнтны ўзровень.

«І сачыце за абнаўленнем на наступным тыдні, бо мы збіраемся прымяніць меры, якіх яшчэ ніколі не было ў гісторыі эканамічнай ізаляцыі краіны», — паабяцаў Бэсэнт.

Ён таксама растлумачыў, што Вашынгтон фактычна ўзмацняе кампанію, якая пачалася яшчэ ў 2025 годзе. Як вядома, тады прэзідэнт Дональд Трамп аддаў загад аднавіць палітыку «максімальнага ціску» на іранскі рэжым.

«Мы перайшлі ад «Эпічнай ярасці» (назва ваеннай аперацыі ЗША супраць Ірана — рэд.) да эканамічнай ярасці. І па загадзе прэзідэнта мы яшчэ больш павысілі ўзровень», — адзначыў Бэсэнт.

Міністр звярнуў увагу на тое, што фінансавы ціск спалучаецца з блакадай іранскіх партоў.

«Гэта будзе спалучэнне эканамічнай ізаляцыі і працяглай блакады ў Армузскім праліве — такога свет яшчэ ніколі не бачыў. Таксама гэта не дазволіць судам заходзіць у іранскія парты або выходзіць з іх», — растлумачыў Бэсэнт.

Дарэчы, 13 жніўня ЗША і Іран фактычна адначасова абвясцілі пра «поўны кантроль» над Армузам.