Названыя сумы, якія зарабілі мінскае «Дынама» і «МЛ Віцебск» у еўракубках-2026/27

• 14.08.2026, 12:29

Беларускія клубы завяршылі выступленне.

Беларускія клубы завяршылі выступленне ў еўракубкавым сезоне-2026/27. «МЛ Віцебск» драматычна саступіў баснійскаму «Борацу» (0:1, 2:1, па пен. 2:4), а мінскае «Дынама» не здолела прайсці партугальскую «Брагу» (0:1, 0:0), піша «Прэсбол».

За ўдзел у Лізе чэмпіёнаў і Лізе канферэнцый «МЛ Віцебск» атрымае ад УЕФА 1 335 000 еўра прызавых.

У Лізе чэмпіёнаў віцебляне двойчы прайгралі румынскай «Універсітатэ» ў першым адборачным раўндзе (1:4 і 0:1), а ў Лізе канферэнцый перамаглі чарнагорскую «Суцьеску» (3:0, 2:1), але затым саступілі «Борацу».

Віцебскі клуб зарабіў па 175 000 еўра за ўдзел на кожнай стадыі, 550 000 еўра — за вылет у трэцім кваліфікацыйным раўндзе Лігі канферэнцый і 260 000 еўра як бонус чэмпіёну краіны, які не выйшаў у асноўны этап еўракубкаў.

Мінскае «Дынама» зарабіла 1 075 000 еўра прызавых.

«Бела-сінія» выступалі ў Лізе канферэнцый і змаглі перамагчы паўночнамакедонскі «Сілекс» (0:1, 1:0, па пен. 6:5) і азербайджанскі «Нефчы» (4:2, 0:1), саступіўшы «Браге».

Акрамя 175 000 еўра за ўдзел на кожнай стадыі, мінчане зарабілі 550 000 еўра за вылет у трэцім раўндзе кваліфікацыі Лігі канферэнцый.