Названая дата адкрыцця легендарнага 15-га корпуса БНТУ

• 15.08.2026, 12:35

Студэнтаў у знакаміты «карабель» не пускалі шэсць гадоў.

15-ы корпус БНТУ, вядомы як «карабель», адкрыюць 1 верасня — пасля капітальнага рамонту. Студэнтаў туды не пускалі шэсць гадоў — будаўнічыя работы пачаліся яшчэ ў 2020-м, паведамляе «Еўрарадыё».

Гэта ўнікальны будынак — адзін з сімвалаў Мінска на ўездзе з усходу. Яго адкрылі ў 1983 годзе. Першапачаткова архітэктары бачылі ў ім «самалёт», аднак у народзе замацавалася іншая мянушка.