Сбіты над Латвіяй дрон мог быць часткай расійскай правакацыі

• 15.08.2026, 20:00

Прэм'ер Літвы не выключыў аперацыю «пад чужым сцягам».

Прэм'ер-міністр Літвы Міндаўгас Сінкявічус заявіў, што нельга выключаць, што інцыдэнт са збітым дронам над Латвіяй мог быць аперацыяй «пад чужым сцягам», паведамляе Delfi.

Пры гэтым Сінкявічус удакладніў, што яснасць з'явіцца толькі пасля таго, як будзе знойдзены сам беспілотнік або яго абломкі.

«Сбіты беспілотнік пакуль не знойдзены. Мяркую, яго неўзабаве знойдуць, і тады стане ясна, што гэта за лятальны апарат, чый ён; хутчэй за ўсё, спецыялісты нават змогуць па мікрасхемах адсачыць яго мэту», — сказаў прэм'ер Літвы.

Дарэчы, міністр абароны Літвы Робертас Каўнас на мінулым тыдні заявіў, што разведка краіны мае інфармацыю пра тое, што Расія разглядае магчымасць правакацый у Балтыйскім рэгіёне, аднак канчатковае рашэнне яшчэ не прынята, а канкрэтная дата не вызначана.

Паводле яго слоў, Крэмль разглядае магчымасць нанясення удараў па аб'ектах крытычна важнай інфраструктуры ў краінах Балтыі, пры гэтым не выключана, што для такіх аперацый Расія можа выкарыстоўваць украінскія беспілотнікі.