Лазавік не здолеў перамагчы Карлсена ў фінале Кубка свету

• 15.08.2026, 21:54

Беларускі шахматыст завяршыў сенсацыйны турнір з $190 тысячамі прызавых.

У сённяшнім фінале галоўнага кіберспартыўнага спаборніцтва свету — Esports World Cup у Парыжы — беларускі шахматыст Дзяніс Лазавік сустрэўся з былым чэмпіёнам свету, нарвежцам Магнусам Карлсенам. Наш суайчыннік саступіў з лікам 0:2, паведамляе pressball.by.

За выхад у фінал Лазавік атрымае 190 тысяч долараў. Карлсен зарабіў 250 тысяч прызавых.

Напярэдадні Лазавік сенсацыйна выйшаў у фінал турніру, абыграўшы ў паўфінале аднаго з мацнейшых шахматыстаў свету Хікара Накамуру з лікам 2:0. У спаборніцтве ўдзельнічалі 16 найлепшых шахматыстаў свету.