Беларусы заваявалі тры медалі на ЧЭ па водных відах спорту

• 16.08.2026, 22:38

Па адной кожнага гатунку.

Беларусы завяршылі выступленні на чэмпіянаце Еўропы па водных відах спорту 2026 года ў Парыжы з трыма ўзнагародамі. Пра гэта паведамляе БЕЛТА.

Апошнім відам праграмы з удзелам беларусаў стала мужчынская камбінаваная эстафета 4х100 м. На папярэдняй стадыі наша чацвёрка ў складзе Арцёма Ермака (спіна), Іллі Шымановіча (брас), Івана Шамшурына (батэрфляй) і Грыгорыя Пекарскага (кроль) паказала 11-ы вынік сярод 19 квартэтаў. Да праходу ў фінал з восьмай пазіцыі не хапіла адной секунды.

Такім чынам, кантынентальны форум у Парыжы прынёс беларускай камандзе тры медалі — па адной кожнага гатунку. Чэмпіёнкай Еўропы па сінхронным плаванні сярод салістак у вольнай праграме стала Васіліна Хандошка, якая таксама заваявала срэбра ў тэхнічнай. У плаванні Грыгоры Пекарскі заваяваў бронзу на 50-метроўцы батэрфляем.

Усяго Беларусь у сталіцы Францыі прадставілі 17 атлетаў: восем — у плаванні, шэсць — у скоках у ваду, тры — у сінхронным плаванні. У агульнай складанасці ўдзельнікі спаборніцтваў разыгралі 80 камплектаў узнагарод у пяці спартыўных дысцыплінах. Перад фінальнай вячэрняй сесіяй 16 жніўня каманда Беларусі ідзе ў топ-15 медальнага заліку.