У лесе пад Сянном мядзведзь пакінуў ласёў без ласунку

• 19.08.2026, 15:39

Жывёлу «злавілі» з палічным.

Відэакадры, на якіх мядзведзь есць соль, якую пакінулі для ласёў, апублікавала ў Threads dana.volkova_.

«Злоўлены з палічным на фотапастку», — напісала яна, удакладніўшы ў каментары, што кадры былі знятыя ў Сянненскім раёне Віцебскай вобласці.

Ласі — расліннаедныя жывёлы, якія харчуюцца пераважна лясной расліннасцю. Атрымаць поўную сутачную норму солі з травы і галінак ім амаль немагчыма. Таму ў дзікай прыродзе ласі здабываюць сабе соль з саланчакаў або аблізваючы камяні.

Фатографы дзікай прыроды выкарыстоўваюць мінеральную соль, якую пакідаюць каля фотапастак, каб прыцягнуць дзікіх жывёл.