У Сербіі з-за абмялення Дуная знайшлі караблі нацысцкай Германіі

• 2.08.2026, 22:03

Фотафакт.

Затопленыя нямецкія ваенныя караблі часоў Другой сусветнай вайны паказаліся з вады ў раёне населенага пункта Прахавы ў Сербіі з-за абмялення Дуная, паведамляе Reuters.

Узровень вады ў рацэ знізіўся на фоне працяглай спякоты і засухі ў Еўропе. У Сербіі і Харватыі паказчыкі дасягнулі рэкордна нізкіх значэнняў, агалівшы пясчаныя мелявіны і затонулыя судны.

Да красавіка спецыялісты паднялі сем суднаў з дна Дуная, восьмае рыхтавалі да ўзняцця. Перад пачаткам работ карпусы агледзелі вадалазы і сапёры: унутры маглі заставацца міны і іншыя неўзарваныя боепрыпасы. Некаторыя буйныя абломкі не ўзнімалі цалкам, а разразалі, здабывалі часткамі або перамяшчалі глыбей, каб яны не перакрывалі фарватар.

На расчышчанне Дуная каля Прахавы Еўракамісія вылучыла грант у памеры €16,5 млн, яшчэ амаль €14 млн прадаставіў Еўрапейскі інвестыцыйны банк. На першым этапе спецыялісты планавалі прыбраць 21 судна. Усяго на дне ў гэтым раёне могуць знаходзіцца рэшткі каля 200 караблёў, баржаў і буксіраў.

Не ўсе затонулыя судны можна ўзняць цалкам з-за іх памераў і стану. Такія карпусы могуць разразаць пад вадой або заглыбляць у рэчнае дно пасля абясшкоджання астатніх боепрыпасаў. Паводле ацэнак уладаў Сербіі, утрудненае судаходства на гэтым участку штогод прыносіць краіне страты больш як на €5 млн.